Google ADS

KSHZ: Procesi i votimit rrjedh pa probleme, jehona e votuesve 8.09 për qind

12:53 | 29 Tetor 2017
Arbresh.info

Të gjitha 1.517 vendvotimet në 35 komuna në të cilat votohet në raundin e dytë për të zgjedhur krerët e komunave përkatëse u hapën në kohë ndërsa votimi po rrjedh pa asnjë problem, bënë të ditur nga KSHZ duke shtuar se deri në ora 10.00 nuk kanë pasur asnjë paraqitje për parregullsi. Jehona e votuesve sipas të dhënave të fundit të KSHZ-së në nivel shtetëror është 8.09 për qind.

Sa u përket komunave dalje më të madhe ka pasur në Demir Kapi me 22.47 përqind ndërsa dalje më të vogël të votuesve ka pasur në Studeniçan me 3.99 për qind.

Ndërkohë në gjashtë komunat e Shkupit ku votohet në raund të dytë, dalje më të madhe të votuesve ka pasur në Butel 10.81 për qind ndërsa dalje më të ulët ka pasur në Çair me 6.17 për qind. Sa u përket daljes së votuesve në komunat  e mbetura të dhënat e para flasin për këto përqindje: Gazi BAba 10.62 për qind, Kisella Voda 10.47 për qind, Saraj 7.24 dhe Shuto Orizare 6.83 përqind.

Shpërndaje në rrjete sociale

Lajmet më të lexuara

Të ngjashme

Foto lajm