Google ADS

Osmani: Kur t’i kemi 61 vota propozojmë hetimin e SHIK-ut

23:58 | 27 Tetor 2017
M. A.

Deputetja Vjosa Osmani ka folur rreth rezultatit të Lidhjes Demokratike të Kosovës në zgjedhjet e 22 tetorit.

Osmani, duke folur në “Debat Plus” të RTV Dukagjinit, ka premtuar dhejtëfish më shumë angazhim gjatë këtyre ditëve, deri në ditën e zhvillimit të balotazhit më 19 nëntor.

“Do të shihni dhjetëfish punë më shumë se në raundin e parë të zgjedhjeve”, ka pohuar Osmani.

Ajo më tutje pohoi se kur të sigurojë 61 vota do të propozojë hetimin e ish-Shërbimit Informativ të Kosovës.

“Kur t’i kemi 61 vota ta propozojmë hetimin e SHIK-ut. Në pranverë kërkojmë rrëzimin e qeverisë”, tha ndër të tjerash ajo.

Osmani ndër të tjerash ka thënë se LDK-ja më nuk do të bëjë koalicion me PDK-në përderisa ajo do të jenë anëtare e kësaj partie.

“Nuk do të ketë koalicion më PDK-në dhe mua nuk do të më shihni në ndonjë parti tjetër. Në momentin që do vendosi që të largohem prej LDK-së, unë më nuk do të merrem me politikë”, tha Osmani.

Shpërndaje në rrjete sociale

Lajmet më të lexuara

Të ngjashme

Foto lajm