Modeli i bashkëpunimit midis Kosovës, Shqipërisë dhe Maqedonisë, duhet ta ndjekin edhe vendet e tjera rajonale, në funksion të paqes, stabilitetit dhe zhvillimit të rajonit.
Kështu është thënë gjatë një takimi që kreu i Kuvendit të Kosovës Kadri Veseli kishte sot në Budapest me kryetarin e Kuvendit të Shqipërisë, Gramoz Ruçi dhe atë të Maqedonisë, Talat Xhaferi.
Në këtë takim, të realizuar në Ambasadën e Shqipërisë në Budapest, kryetarët e tri parlamenteve diskutuan për bashkëpunimin ndërparlamentar dhe për zhvillimet politike në Kosovë, Shqipëri e Maqedoni.
Të tre homologët u pajtuan se rajoni ka përjetuar zhvillime të rëndësishme, si në sferën e bashkëpunimit, ashtu edhe të integrimit euro-atlantik, por theksuan nevojën e një përkushtimi më të madh të të gjithë faktorëve relevantë, në mënyrë që Ballkani të zë hapin në këtë rrugëtim.
Ata vlerësuan se integrimi euro-atlantik mbetet alternativë e vetme dhe mision parësor i vendeve që përfaqësojnë.
Gjatë ditës së sotme, kryeparlamentari Veseli ka zhvilluar edhe një takim bilateral me kryetarin e Kuvendit të Malit të Zi, Ivan Brajoviq, me të cilin ka diskutuar për bashkëpunimin ndërshtetëror dhe avancimin e përbashkët në rrugën e integrimeve euro-atlantike.
Ndryshe, kryetari i Kuvendit të Kosovës, Kadri Veseli, gjatë qëndrimit në Budapest, mori pjesë në Konferencën e tetë ndërkombëtare të kryetarëve të Parlamenteve të shteteve të Ballkanit Perëndimor.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...