Moska vuri veton ndaj rezolutës së Këshillit të Sigurimit të OKB-së për të rinovuar mandatin për një mision të OKB-së që hetoi përdorimin e armëve kimike në Siri. Përpara votimit, Rusia sugjeroi shtyrjen e diskutimit, por propozimi i saj u refuzua.
Mandati aktual për OKB dhe Organizatën për ndalimin e armëve kimike (OPCW) për të punuar në Siri skadon më 17 nëntor, transmeton portali arbresh.info
Uashingtoni ka përgatitur një dokument për të zgjatur mandatin, i cili u mbështet nga 11 vota të martën. Dy anëtarë të OKB-së – Rusia dhe Bolivia – votuan kundër dokumentit, ndërsa Kina dhe Kazakistani abstenuan.
Më vonë këtë javë, Mekanizmi i Përbashkët Hetimor i OKB-OPCW është planifikuar të japë një raport mbi sulmin e dyshuar të armëve kimike në qytetin sirian Khan Sheikhun më 4 prill.
Rusia propozoi të dëgjonte rezultatet e misionit përpara se të votonte për një dokument të ri. Megjithatë, Uashingtoni këmbënguli që Këshilli i Sigurimit të votojë mbi mandatin e ri para se të paraqitet një raport./arbresh.info/
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...