Partia Demokratike e Kosovës ka shënuar një rezultat jo fort të kënaqshëm në zgjedhjet e djeshme. Ramiz Lladrovci është kandidati i vetëm i Partisë Demokratike që ia ka shpëtuar fytyrën duke e siguruar fitoren në raundin e parë të zgjedhjeve. PDK do të jetë në balotazh në dhjetë komuna, përfshirë këtu Prizrenin e Ferizajin.
Drenasi edhe më tej mbetet bastioni PDK’së. Ramiz Lladrovci fitoi 13.124 vota, apo 59.34 për qind të votave të përgjithshme.
Në Prizren Shaqir Totaj i PDK’së prin më 29.68 për qind, dhe në balotazh do të përballet me të dytin e kësaj komune, Mytaher Haskukën e Vetëvendosjes, me 22.46 për qind.
PDK në Dragash është e dyta me 28.12 për qind të votave dhe në balotazh do të përballet me LDK’në që po prin në këtë komunë me 37.94 për qind.
Në Kaçanik, kandidati i PDK’së, Besim Ilazi, po prin me 40.38 për qind të votave, ndërsa pas tij është Basri Kodra i Vetëvendosjes me 21.20 për qind të votave. Edhe pse me diferencë rreth 20 për qind në rundin e parë, të dy do të përballën në balotazhin që mbahet me 19 nëntor.
PDK është e para edhe në Klinë. Sokol Bashota garon i pari edhe për një mandat tjetër. Ai deri më tani ka 36.80 për qind të votave, dhe në balotazh do të përballet me Zenun Elezajn e AAK’së, që ka marrë 26.16 për qind të votave.
Valdete Idrizi e PDK’së është e vetmja grua që ka dalë e para në ndonjë komunë. Idrizi në Mitrovicë ka marrë 29.63 të votave dhe në balotazh do të përballët me kryetarin e tanishëm, agim Bahtirin, që ka marrë 27.03 vota.
PDK’ja në Rahovec është partia e dytë dhe kandidati i saj Idriz Vehapi, do të garojë në balotazh me Smajl Latifin e AAK’së. Ky i fundit ka 33.53 për qind të votave, ndërsa Vehapi, 29.60.
Në Shtime PDK’ja prinëme kandidatin e saj, Naim Ismajli, me 38.15 për qind, e në balotazh përballë ka kandidatin e Pavarur, Fatmir Rashiti.
Agim Aliu ka dalë i pari në Ferizajn, të cilin PDK e kishte humbur mandatin e kaluar. Ai ka fituar 38.56 për qind të votave dhe në balotazh do të garojë me kryetarin e tanishëm, Muharem Svarqa, i cili ka fituar 30.72 për qind.
Edhe Ferit Idrizi i PDK’së po prin në Vushtrri me 33.66 për qind. Pas tij është Xhafer Tahiri i LDK’së me 25.62 për qind. PDK është e dyta pas Nismës në Malishevë.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...