Google ADS

Policia e Kosovës thotë se procesi zgjedhor ishte i qetë dhe pa incidente madhore

20:46 | 22 Tetor 2017
Arbresh.info

Policia e Kosovës ka vlerësuar se në aspektin e sigurisë, procesi zgjedhor në përgjithësi ka kaluar i qetë dhe pa incidente madhore, të cilat nuk kanë ndikuar në mbarëvajtjen e procesit zgjedhor.

Referuar informacioneve zyrtare, Policia njofton se janë evidentuar disa raste të ndryshme, por që me veprimet e menjëhershme janë menaxhuar nga autoritetet kompetente.

Në gjithë territorin e vendit janë evidentuar disa raste penale, si dhe katërmbëdhjetë incidente të natyrave të ndryshme të cilat janë trajtuar dhe menaxhuar me sukses.

Vlen të potencohet se Policia e Kosovës, në këtë rast zyrtarët kufitar të PKK-Jarinje, sot rreth orës 12:40 në hyrje të Kosovës kanë ndaluar për kontroll një autobusë udhëtarësh me targa KG, në të cilin janë gjetur mjete të dyshimta shpërthyese. Me këtë rast janë shoqëruar tre persona të dyshuar serbë për në stacion policor.

Shpërndaje në rrjete sociale

Lajmet më të lexuara

Të ngjashme

Foto lajm