Drejtori i Përgjithshëm i Policisë së Kosovës, Shpend Maxhuni ka thënë se deri tani nuk ka pasur ndonjë incident të natyrës serioze në procesin e zgjedhjeve.
Kështu deklaroi gjatë një konference për media pas vizitës që zhvilloi bashkë me kryeprokurorin e shtetit, Aleksandër Lumezi në KQZ, shkruan arbresh.info.
“Deri tani nuk ka ndonjë incident të natyrës serioze. Ne kemi filluar angazhimet tona edhe në fazën parazgjedhore por sot kemi të angazhuar një numër relativisht të zyrtarëve policorë me kapacitete të ndryshme për të ofruar siguri në të gjithë territorin e Kosovës”, ka thënë Maxhuni.
Ai ka folur edhe për sigurinë në veri të vendit duke thënë se nuk ka ndonjë informacion për shqetësim.
“Deri në këtë fazë nuk kemi ndonjë informacion për ndonjë shqetësim. Natyrisht edhe në pjesën veriore policia e Kosovës është institucioni përgjegjës për ofrimin e sigurisë në këtë proces dhe po e monitorojmë situatën”, ka thënë Maxhuni.
/arbresh.info/
Protesta e PD-së, ambasada e SHBA-së: Personeli këshillohet ...
Më 8 dhe 9 tetor do të organizohet festivali i filmit sporti...
Nobeli në Mjekësi u ndahet dy shkencëtarëve të mikroRNA-së
Pogba drejt rikthimit në fushë
Osmani takon homologun kroat: Mirënjohëse për mbështetjen e ...
Milaim Zeka, opinionisti i parë i Big Brother VIP Kosova 3