Sot, qytetarët e Kosovës do të votojnë për zgjedhjet lokale për kryetar dhe kuvende komunale, në 38 komuna të Kosovës.
Në zgjedhjet lokale janë të regjistruar 1 milion e 890 mijë e 952 qytetarë me të drejtë vote, në 899 qendra votimi me 2505 vendvotime.
Prej tyre 18 mijë e 11 janë votues të rinj, që do të votojnë për herë të parë në zgjedhjet sotme.
Ndërkaq 3 mijë e 835 votues të tjerë janë që nuk kanë qenë në listën përfundimtare të votuesve në zgjedhjet parlamentare, e që mund të konsiderohen si votues të regjistruar për herë të parë në Regjistrin Qendror Civil.
E për mbarëvajtjen sa më të rregullt të këtij procesi zgjedhor, KQZ tashmë ka bërë përgatitjet e duhura.
Tashmë edhe fletëvotimet kanë arritur në KQZ dhe çdo gjë është gati për të dielën e 22 tetorit, ka bërë të ditur, zëdhënësi i KQZ-së, Valmir Elezi.
“Fletëvotimet dhe materiali tjetër zgjedhor do të shpërndahet nëpër Qendrat e Votimit të dielën në mëngjes, para hapjes së tyre, sipas planifikimeve me Planin Operacional”, ka thënë Elezi.
Zgjedhjet e 22 tetorit do të vëzhgohen nga rreth 33 mijë e 200 vëzhgues, të cilët përfaqësojnë subjektet politike të certifikuara, OJQ-të vendore, organizatat ndërkombëtare, ambasada, media vendore dhe ndërkombëtare.
Kryeshefi i sekretariatit të KQZ-së, Enis Halimi ka bërë të ditur se deri më tani, për zgjedhjet e 22 tetorit janë trajnuar mbi 17 mijë komisionerë.
Halimi ka shtuar se janë gati për procesin zgjedhor duke besuar se trendi i mbarëvajtjes do të shënojë rritje pozitive.
Në garë për kryetar komune janë 204 kandidatë në 38 komuna të Kosovës./arbresh.info/
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3