Deputetja e Lëvizjes Vetëvendosje, Donika Kadaj-Bujupi vlerëson se Lëvizja Vetëvendosje nuk do të ketë nevojë të shkojë në balotazh në disa komuna.
Kjo pasi që sipas saj, puna e fituesit, që do të jetë VV-ja do të kryhet që në raundin e parë të zgjedhjeve lokale, më 22 tetor.
“Unë besoj që grupi parlamentar i yni do të pësojë ndryshime të mëdha, pasi që sipas të gjitha sondazheve, do të jemi fitues, sidomos në komunat e mëdha. Për shembull, po filloj me Prizrenin, Gjilanin, Dardanën e Vitinë, duke mos harruar edhe Ferizajn, Mitrovicën e Vushtrrinë”, ka thënë Kadaj-Bujupi në Debat+ të RTV Dukagjinit.
Edhe për Prishtinën ajo ka thënë se do të jetë e udhëhequr nga Shpend Ahmeti, edhe për një mandat.
“Prishtina është e fituar me punën dhe angazhimin që e ka bërë kryetari. Besoj fuqishëm që edhe Prishtina fitohet pa balotazh. Nëse i shihni matjet e opinionit e shihni që qytetarët e Prishtinës janë të kënaqur me punën e shpendit, rreth 70 për qind e tyre. Dhe përderisa janë këto qëndrime të qytetarëve, bindshëm do të dalim pa balotazh”, ka thënë Kadaj-Bujupi, duke shtuar se kjo parti qëndron mirë edhe në disa komuna të tjera.
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...