Google ADS

Kosova përfitoi 174 milionë euro donacione gjatë vitit 2016

14:14 | 20 Tetor 2017
Arbresh.info

Qeveria e Kosovës ka bërë sot shqyrtimin e raportit vjetor mbi aktivitetet e donatorëve për vitin 2016.

Ministrja e Integrimeve Evropiane, Dhurata Hoxha ka thënë se shuma e përgjithshme e asistencës së donatorëve për vitin 2016 është 174 milionë euro.

Sipas saj, qeverisja dhe shoqëria civile janë ato që kanë përfituar më së shumti, apo kthyer në përqindje, rreth 30 për qind të asistencës zhvillimore të ofruar për Kosovë, shkruan arbresh.info.

“Qeverisja dhe shoqëria civile kanë përfituar me 30 për qind të asistencës zhvillimore të ofruar për Kosovë. Sektorët tjerë që kanë përfituar janë uji dhe kanalizimi, arsimi, infrastruktura dhe shërbime e tjera sociale, biznesi dhe shërbimet tjera”, tha Hoxha.

Sipas saj, donatori më i madh është BE e cila ka kontribuuar me 61 milionë euro pastaj ShBA me 33,6 milionë euro dhe Gjermania me 19 milionë euro gjatë vitit 2016./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm