Google ADS

Valero: City na tregoi se si mundet Napoli

12:58 | 20 Tetor 2017
arbresh.info

Borja Valero, mesfushori i Interit, ka folur para derbit me Napolin, i cili luhet nesër nga ora 20:45

Pas fitores ndaj Milanit në derbi, Interin e pret edhe një ndeshje e vështirë të shtunën në mbrëmje.

Nerazzurrët do të jenë mysafirë të Napolit, i cili këtë sezon ka tetë fitore në tetë ndeshjet e deritanishme.

Por, Borja Valero, mesfushori i Interit, beson se Nerazzurrët mund ta prishin serinë pozitive të napolitaneve.

“Po, ashtu siç e shoh unë futbollin, Napoli luan futbollin më të bukur. Ka një manovër të rrjedhshme dhe të shpejtë, e kontrollin topin dhe shënon shumë. Është gjithmonë dëfryese ta ndjekësh Napolin”, ka deklaruar Valero.

“Gjithsesi, Manchester City i Guardiolës na bëri të kuptojmë që Napoli nuk është i pamposhtur. Duhet të përfitojmë nga situatat që mund të krijohen në favorin tonë. Duhet të jemi të përqendruar për 95 minuta, sepse, po u lejove hapësira, ata të bëjnë keq”, ka theksuar ai.

 

Shpërndaje në rrjete sociale

Lajmet më të lexuara

Të ngjashme

Foto lajm