Komisioneria Europiane: Edhe unë isha viktimë e dhunës seksuale

22:12 | 18 Tetor 2017
Trina Galanxhi

Vera Jourova, komisionere europiane për barazinë gjinore, para një auditori në Bruksel ka theksuar se ka qenë viktimë e dhunës seksuale, ndërsa ka kërkuar nga gratë që të bashkohen me lëvizjen #MeToo dhe të raportojnë sjelljet e papërshtatshme dhe të paligjshme.

E pyetur nga Politico ndaj shkallës së shkeljeve brenda institucioneve europiane, Jourova tha se ishte e shqetësuar se skandali Weinstin dhe incidentet tjera që po raportohen janë “vetëm maja e ajsbergut”, transmeton portali arbresh.info

Ajo tha se shumica e grave nuk e pranojnë dhe nuk raportojnë që bien viktima të sjelljeve të pahijshme, për shkak të ndjesisë së fajita.

Jourova ka theksuar se ligjet kundër ngacimeve seksuale dhe dhunës duhet të zbatohen më fuqishëm, pasi sipas ekziston frika se kjo sjellje po kthehet në rutinë.

Në fushatën e hapur nëpër mediat sociale me hashtagun #MeToo, miliona gra e mbarë bota kanë filluar të ndajnë përvojat e hidhura të jetës së tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm