Trafikimi me njerëz, shkelje e rëndë e të drejtave elementare të njeriut

10:22 | 18 Tetor 2017
Arbresh.info

Shefja e Zyrës së BE-së në Kosovë, Nataliya Apostolova ka deklaruar se trafikimi me qenie njerëzore është një industri miliardëshe që prek shoqëritë në mbarë botën.

Apostolova tha gjatë një konference me rastin e Ditës së Bashkimit Evropian kundër Trafikimit me Qenie Njerëzore se BE ka qasje multidisiplinore për parandalimin dhe mbrojtjen e viktimave, shkruan arbresh.info.

“BE dëshiron të ndihmojë Kosovën në luftimin e trafikimit me njerëz duke ndarë me Kosovën përvojën dhe ekspertizat e BE me mjete të ndryshme. Be ka financuar një projekt 1 milion ku ofron trajnime për policët prokurorët, gjyqtarët për luftimin e trafikimit me njerëz. Ne do të bëjmë një thirrje që të përfshijmë edhe shoqërinë civile. Çrrënjosja e trafikimit është proces i rëndë ku duhet të kalojë nëpër disa faza si baza gjinore, luftimi i varfërisë, e veprime tjera”, u shpreh Apostolova./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm