Google ADS

Dënohet me burg 88 –vjeçarja e njohur si “gjyshja naziste”

23:29 | 17 Tetor 2017
Trina Galanxhi

Një grua 88-vjeçare e quajtur nga mediat gjermane si “gjyshja naziste” është dënuar për mohim të Holokaustit.

Ursula Haverbeck u gjet fajtore nga një gjykatë pasi në vitin 2016 ajo mohoi vrasjen më të madhe dhe sistematike të hebrenjve në kohën e sundimit të Adolf Hitlerit. Ajo është dënuar me gjashtë muaj burg, transmeton portali arbresh.info

Në mënyrë të përsëritur ajo ka mohuar krimet naziste, ndërsa ngjarjen e Auschwizt-it e ka quajtur “gënjeshtër”.

Në vitin 2008, autoritetet gjermane ndaluan veprimtaritë e qendrës së arsimit të djathtë, Collegium Humanum, të cilën e themeluan Ursula dhe bashkëshorti i saj i ndjerë.

Në Gjermani, një sërë veprimesh që promovojnë nazizmin dhe minimizojnë mizoritë e kryera gjatë regjimit nazist janë kriminalizuar.

Deri para një viti, ishte ndaluar edhe shitja dhe publikimi i librit autokratik të Hitlerit, Mein Kampf./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm