Deputeti i PDK-së, Mergim Lustaku, ka thënë se nuk qëndrojnë arsyetimet që paratë e sigurimeve shëndetësore janë marrë për të paguar pagat e veteranëve.
Lushtaku përmes një postimi në Facebook ka thënë se deklarimet e tilla janë populliste dhe të panevojshme, që krijojnë pengesa.
Ky është postimi i plotë i Lushtakut:
Deklarimet se janë marrë paratë e sigurimeve shëndetësore për të paguar pagat e veteranëve nuk qëndrojnë. Janë thjeshtë deklarime për konsum politik ditor ndonëse ende jemi në fushatë zgjedhore dhe me veprime të këtilla tentohet të fitohet ndonjë poen politik. Ministria e Financave e ka dhënë arsyetimin e saj dhe si anëtar i Komisionit për Buxhet dhe Financa nga ana e PDK-së e përkrah një qëndrim të tillë si plotësisht të arsyeshëm, ngase nuk mundemi që ta fusim Ministrinë e Financave në obligime dhe penalizime të mëtejme për mos kryerjen e pagave për veteranë që u takojnë me ligj.
Ndërkaq, kur miratohen aktet nënligjore për sigurimet shëndetësore, do të planifikohet buxheti konform atyre akteve.
Veprimet dhe deklarimet populiste veçsa krijojnë pengesa e vonesa të panevojshme në avancimin e proceseve që qeveria ka në përgjegjësi të realizojë.
Pastaj, etiketimi i veteranëve të UÇK-së si militantë është atakim i vlerave të luftës dhe një qasje destruktive në raport me njerëz të cilët kanë dhënë kontributin e tyre në luftën e Kosovës, e që ka prej atyre që vijnë nga të gjitha partitë shqiptare të Kosovës pa përjashtim.
Musliu: Skenari i rrenave të Albinit, sot po kthehet në real...
Pas Shqipërisë, Von der Leyen viziton Maqedoninë e Veriut
Hoti akuzon Qeverinë për keq menaxhimin e KEK-ut: Energjia e...
Muharrem Jashari u shpall lojtari i muajit dy herë radhazi t...
Ministria e Mbrojtjes shpall konkurs për pranimin e kadetëve...
Tahiri: Na patën lodh “krejt dhe drejt” e sot s’vijnë për de...