Gjuriq thotë se zbatimi i Marrëveshjes së Drejtësisë përfundon deri të premten

10:36 | 17 Tetor 2017
Arbresh.info

Drejtori i të ashtuquajturës Zyre serbe për Kosovën, Marko Gjuriq , pret që puna për zbatimin e Marrëveshjes për Drejtësinë midis Beogradit dhe Prishtinës të përfundojë deri të premten dhe që gjyqtarët dhe prokurorët serbë do të integrohen në sistemin gjyqësor të Kosovës.

“Kjo është një punë e madhe dhe e rëndësishme për popullin serb në Kosovë. Për herë të parë pas vitit 1999, do të themelohet gjykata me shumicë serbe dhe me Kryetarin e Gjykatës së Kosovës në Mitrovicë dhe Prokurorinë me shumicë serbe.  Pres që kjo punë e madhe dhe e rëndësishme të përfundojë në fund të javës, deri të premten “, tha ai, raporton Tanjug, transmeton Klan Kosova.

Në kuadër të kësaj marrëveshjeje Kosovë-Serbi, sot pritet të betohen 42 gjykatës serbë, kryesisht për gjykatën themelore në Mitrovicë.

Marrëveshja e Brukselit për integrimin në sistemin e Kosovës të gjykatësve dhe prokurorëve serbë nga veriu i vendit, ishte arritur në shkurt të vitit 2015.

 

Shpërndaje në rrjete sociale

Lajmet më të lexuara

Të ngjashme

Foto lajm