Qeveria e Kosovës ka caktuar zëvendëskryeministrin, Fatmir Limaj, si përgjegjës për organizimin e mbledhjeve të përbashkëta me Këshillin e Ministrave të Shqipërisë dhe organizimet e mbledhjeve tjera.
Zëvendëskryeministri i parë, Behgjet Pacolli, në mbledhjen e Qeverisë ka thënë se pas dakordimit me kryeministrine e Shqipërisë, Edi Rama, për mbajtjen e mbledhjeve të dy qeverive u ka dërguar letër të gjithëve.
“Kam kërkuar t’i dërgoni në Ministrinë e Jashtme të gjitha propozimet për marrëveshjet që do të nënshkruhen. Kam pranuar listën e disa propozimeve. Nënshkrimi i kësaj mbledhje është nënshkrimi i marrëveshjeve mes ministrave të ministrive të dy qeverive. Kërkoj që të ndjekni procedurat e nënshkrimit të marrëveshjeve,” është shprehur Pacolli në mbledhjen e Qeverisë.
Sipas tij, tani është Limaj që do t’i akordoj të gjitha këto marrëveshje dhe të bashkëpunojë me Ministrinë e Jashtme.
“Kisha dashur që propozimet e juaja të kenë një bazë dhe të mos dalim qesharake në atë mbledhje. Të shkojmë me gjera konkrete dhe të jemi të bindur që marrëveshja të vihet në punë, e jo të mbetet në sirtar”, ka thënë Pacolli.
/arbresh.info/
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...
Ekspozimi ndaj dritës blu gjatë natës rrit rrezikun e zhvill...