Selim Pacolli, kandidati i AKR-së për Kryetar të Komunës së Prishtinës dje ka bërë një veprim të jashtëzakonshëm. Ai i është bashkuar punëtorëve të kompanisë Pastrimi për mbledhjen e mbeturinave nga kontenjerët nëpër qytet.
Për më shumë, Selim Pacolli është shndërruar në një prej punëtorëve të Pastrimit, për t’iu ndihmuar atyre ta bëjnë punën e tyre. Këtë, ai thotë se e ka bërë për ta kuptuar edhe më mirë sakrificën e punëtorëve të këtij shërbimi publik, të cilët bëjnë punë të vështirë vetëm për ta mbajtur qytetin e pastër.
“Dje kam kaluar mëngjesin duke punuar me punëtorët më fisnik, mbledhësit e mbeturinave të qytetit. Këtë e kam bërë sepse unë besoj se një menaxher duhet të dijë saktë se me çka ballafaqohen punëtorët e shërbimeve publike, të shohë nga afër se si funksionon e mirëmbahet qyteti, dhe jo të qëndrojë në zyrën e tij. Sepse në borë e në shi, dhe me vështirësi të mëdha këta e bëjnë punën e tyre. Prandaj Prishtinës i duhet një menaxher që vepron, jo politikanë që vetëm flasin” ka thënë Pacolli mes tjerash.
Ai më tutje ka thënë se ai do të vazhdojë të jetë sa më afër qytetarëve të Prishtinës, e sidomos afër punëtorëve të shërbimeve publike komunale, të cilët edhe përkundër kushteve dhe rrethanave të vështira nuk e ndalin punën e tyre.
https://www.facebook.com/selimpacolliofficial/videos/435807250154761/
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...