Presidenti i Kosovës, Hashim Thaçi, ka nderuar me medaljen “Urdhëri i pavarësisë” homologun e tij nga Shqipëria, Ilir Meta gjatë vizitës së tij të parë shtetërore në Kosovës si president, shkruan arbresh.info.
“Është surprizë e veçantë dhe do ta marrë atë si vlerësim për të gjithë qytetarët e Shqipërisë që i kanë dhënë mbështetje lirisë dhe pavarësisë së Kosovës,” është shprehur Meta pas marrjes së kësaj medalje.
Ai ka rishprehur mbështetjen për forcimin e pavarësisë, njohjes ndërkombëtare dhe perspektivën e saj evropiane.
Meta gjatë ditës do të takohet edhe me Kryeministrin Ramush Haradinaj, me Kryetarin e Kuvendit Kadri Veseli dhe Zëvendëskryeministrin e Parë dhe Ministrin e Jashtëm Behgjet Pacolli.
Vizita e parë shtetërore e Presidentit të Republikës së Shqipërisë në Kosovë përmban edhe takimin me krerët e partive parlamentare si dhe homazhe te Varri i Presidentit Ibrahim Rugova dhe në Kompleksin e Memorialit “Adem Jashari” në Prekaz-Skënderaj./arbresh.info/
Komandanti i KFOR-it: Dialogu, platforma e vetme për çështje...
“Partizani”, Berisha nuk shkon në gjyq/ Shtyhet seanca në Gj...
Shtyhet për një orë seanca për fjalën përfundimtare ndaj Bed...
Ukraina rrëzon dhjetëra dronë të Rusisë
Presidenca dhuron pako onkologjike për gratë e prekura nga k...
“Zgjedhje për strukturat drejtuese”, Rrjeti i Bi...