Policia e Fierit ka arritur të zbardhë një vrasje të ndodhur rreth një vit më parë, duke vënë në pranga dhe autorin e dyshuar. Ngjarja ka ndodhur nëntorin e kaluar ku trupi i pajetë i Shefo Duraj, 57 vjeç, teknolog në uzinën e Ballshit u gjet nga një bari në pyllin e fshatit Kalenjë të Mallakastrës.
Ai u kishte thënë familjarëve se do të shkonte në Gjerbës të Skraparit për një rast vdekjeje, po nuk ishte kthyer më. Policia ka bërë të mundur zbardhjen e ngjarjes duke ndaluar autorin e dyshuar Feti Yzeiraj, 41 vjeç nga fshati Aranitas i Mallakastrës, transmeton tch.
Shkak dyshohet hakmarrja, pasi babai i viktimës ka vrarë gjyshin e autorit, ngjarje e ndodhur 49 vite me pare, me 1968. Ndaj tij është nxjerrë urdhri i ndalimit për veprën penale vrasje me dashje teksa në cilësinë e provës materiale atij i është gjetur celulari i viktimës. Vijon puna për gjetjen e provave të tjera materiale dhe dokumentimin e plotë ligjor të kësaj ngjarje.
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...