Aksident tragjik, humb jetën çifti me fëmijën dy vjeçar

19:23 | 10 Tetor 2017
Arbresh.info

Një fëmijë i vogël dhe prindërit e tij kanë humbur jetën sot pasdite në aksident të rëndë automobilistik rreth dhjetë kilometra nga Dellçeva.

Në këtë aksident, në vendin e ngjarjes kanë ndërruar jetë 32 vjeçari D.D. i cili i jepte makinës, bashkëshortja e tij 27 vjeçare dhe biri i tyre dy vjeçar.

Fatkeqësia ka ndodhur me përplasjen e drejtpërdrejtë mes automjetit tip ‘Fiat Punto’ me targa të Dellçevës me kamion të ngarkuar me drunj me targa të Shtipit, e drejtuar nga 56 vjeçari P.G. nga Shtipi.

Aksidenti është denoncuar në ora 15:40, ndërsa ka ndodhur në rrugën magjistrale Koçan-Dellçevë te vendi Leshtaro.

Ekipe të policisë janë duke bërë ekspertizë në vendin e ngjarjes, ndërsa qarkullimi është ndërprerë në të dy drejtimet. /albeu.com

Shpërndaje në rrjete sociale

Lajmet më të lexuara

Të ngjashme

Foto lajm