Këshilli i Bashkimit Evropian miratoi një mandat për Komisionin Evropian dhe Përfaqësuesen e Lartë për Punë të Jashtme dhe Siguri për të negociuar në emër të BE dhe të shteteve anëtare një marrëveshje gjithëpërfshirëse me Republikën e Kirghistanit, shkruan arbresh.info.
“Marrëveshja e re do të mbështetet në marrëveshjen e partneritetit dhe bashkëpunimit në fuqi që nga 1999. Ajo do të pasqyrojë ambicien e BE-së dhe të Republikës së Kirghistanit për të marrë përpara marrëdhëniet e tyre dypalëshe,” thuhet në komunikatë për medie.
Partneriteti midis BE-së dhe Republikës së Kirghistanit bazohet në angazhimin e Republikës së Kirghistanit për të ndërmarrë reforma për të forcuar demokracinë, liritë themelore, sundimin e ligjit dhe pavarësinë e gjyqësorit dhe për të nxitur zhvillimin e qëndrueshëm ekonomik.
BE ka mbështetur Republikën e Kirgistanit në këto përpjekje nëpërmjet bashkëpunimit afatgjatë të zhvillimit, duke përfshirë mbështetjen për reformën e sistemit të saj zgjedhor.
BE pret që zgjedhjet e ardhshme presidenciale në Republikën e Kirghistanit të kryhen në përputhje me detyrimet dhe angazhimet e saj ndërkombëtare në drejtim të mbajtjes së zgjedhjeve të besueshme, gjithëpërfshirëse dhe transparente./arbresh.info/
Sara ndryshon lojën, shpëton nga nominimi Drilonin, e nomino...
Berisha: Më 29 tetor protestë, opozita duhet të udhëheqë me ...
Paralajmërimi i O’Brien: Është momenti që Kosova të përkufiz...
Osmani: Një partneritet i fortë SHBA – Kosovë siguron ...
Leverkuseni është i bindur se Alonso do të nënshkruajë me nj...
Berisha: Kurti po i ikë zbatimit të marrëveshjeve ndërkombët...