Google ADS

Ministri Reçica priti përfaqësuesit e Odës së Afarizmit të Kosovës

20:44 | 5 Tetor 2017
Arbresh.info

Ministri i Punës dhe Mirëqenies Sociale z. Skender Reçica, priti sot në një takim përfaqësuesit e Odës së Afarizmit të Kosovës, Ismet Mulaj dhe Skënder Krasniqi.

Gjatë këtij takimi u bisedua për mundësitë e bashkëpunimit me MPMS-në, për të krijuar vende të reja pune, në mënyrë që të zvogëlohet numri i punëkërkuesve dhe mundësia e zvogëlimit të familjeve me asistencë sociale.

Nga Oda e Afarizimit të Kosovës kërkoi që të bëhet riaftësim i fuqisë punëtore, që të jenë në përputhje me kërkesat dhe profilet e tregut të punës dhe Odës së Afarizmit të Kosovës.

U elaboruan edhe çështje të tjera rreth problematikave me rastet e shkeljes së të drejtave të punëtorëve, si dhe u diskutua rreth pushimit të lehonisë.

Ministri Reçica i ofroi bashkëpunim Odës së Afarizmit të Kosovës për temat dhe qëllimet e përbashkëta.

Shpërndaje në rrjete sociale

Lajmet më të lexuara

Të ngjashme

Foto lajm