Ministria e Integrimeve Evropiane përmes një komunikate për media ka bërë të ditur se sot, ka filluar mbledhja e Komitetit për Stabilizim Asociim, Bashkim Evropian- Kosovë, të cilin e ka kryesuar Genoveva Ruiz Calavera, Drejtore për Ballkanin Perëndimor.
Në fjalën e hapjes së Mbledhjes së Komitetit, Hoxha ka theksuar se ky është takimi i parë i Komitetit Stabilizim Asociimi, i cili mbahet pas përfundimit të të gjitha takimeve të nënkomiteteve të Stabilizim Asociimit, si dhe në prag të mbajtjes së Këshillit në muajin nëntor.
“Procesi i integrimit evropian mbetet një nga qëllimet kryesore të politikës së jashtme të Republikës së Kosovës. Qëllimi i shoqërisë sonë, dhe rrjedhimisht detyra jonë si përfaqësues politik mbetet vazhdimi i konsolidimit demokratik, ngritja e nivelit të sundimit të ligjit dhe e respektimin e të drejtave si dhe ndërtimi i një ekonomie të tregut funksionale. Respektivisht adresimi i kritereve bazë të anëtarësimit në BE. Ne i konsiderojmë vlerat evropiane si tona, dhe rrugëtimi jonë nuk është i plotë pa u bashkuar në familjen evropiane”, ka theksuar Hoxha.
Ministrja Hoxha ka vënë në pah përkushtimin për të gjitha proceset e ndërlidhura me agjendën evropiane, duke përfshirë këtu dinamizmin e zbatimit të Marrëveshjes për Stabilizim Asociim, përfundimin e procesit të liberalizimit të vizave dhe mundësimin e udhëtimit të lirë për qytetarët e Kosovës në Bashkim Evropian.
“Qeveria e Republikës së Kosovës në kuadër të Programit të saj njeh rëndësinë e zbatimit të ERA-s si një nga prioritetet kyçe të Qeverisë”, theksoi ministrja.
“Qeveria me fillimin e mandatit të saj ka arritur të përmbush disa nga prioritetet e ERA-s në javët e para të saja. Kjo dinamikë e punës do të vazhdoj edhe gjatë vitit 2018. Kemi humbur mjaft kohë, dhe mendoj se kjo është një kohë e mirë të reflektojmë mbi të arriturat, por edhe për të rifokusuar agjendën për vitin e ardhshëm”, tha ndër të tjera Hoxha.
Mbledhja e Komitetit ka vijuar me diskutime të fushave tjera, duke prezantuar të arriturat dhe sfidat sipas agjendës së parashikuar.
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...