Tifozët e Kukësit në fushatë kundër trajnerit serb

10:20 | 3 Tetor 2017
Arbresh.info

Kukësi u mposht në shtëpi nga Skënderbeu dhe kjo humbje sigurisht që “djeg”. Gjithsesi tashmë kjo pjesë është çështje e mbyllur, me korçarët që kanë arkivuar tre pikët dhe do të mendojnë për ndeshjen e radhës.

Ditën e djeshme në “Zeqir Ymeri” ishin kthyer edhe tifozët, që në dallim nga ndeshjet e tjera ishin më të shumtë, ndërkohë që edhe grupimi “Mërgata” mbështeti ekipin.

Në fund të ndeshjes ata nuk janë përmbajtur, duke lëshuar thirrjet “Milinkoviç ik!”. Ultrasit kuksianë nuk e duan në ekip trajneri prej faktit që është serb, por sidoqoftë ata pranuan të rikthehen në stadium edhe pse nuk pati ndryshim në pankinë. Për sa kohë Milinkoviç do jetë aty, mes palëve duket se nuk do të ketë dashuri.

Shpërndaje në rrjete sociale

Lajmet më të lexuara

Të ngjashme

Foto lajm