Mogherini flet për vizat në takim me Pacollin

08:48 | 29 Shtator 2017
arbresh.info

Zëvendëskryeministri i parë i Kosovës njëherësh edhe Ministër i Punëve të Jashtme, Behgjet Pacolli, është pritur në takim në Bruksel, nga përfaqësuesja e lartë e Bashkimit Evropian, Federica Mogherini, shkruan arbresh.info.

Pacolli në këtë takim thotë të ketë marrë edhe një herë konfirmimin për mbështetjen e BE-së për Kosovën.

“Përfaqësuesja e Lartë e Bashkimit Evropian për Politikë të Jashtme, Federica Mogherini, njëherit edhe zëvendës presidente e Komisionit Evropian konfirmoi angazhim për reformat e agjendës së BE-së dhe dialogun me Serbinë. Theksoi rëndësinë e liberalizimit të vizave për Kosovën,” ka shkruar Pacolli në Twitter.

Një ditë më parë Pacolli ka takuar edhe Komisionerin për Politikën Evropiane të Fqinjësisë dhe Negociatave për Zgjerim, Johannes Hahn.

Edhe në këtë takim  biseduar për procesin e integrimit evropian dhe euro-atlantik të Kosovës si dhe për liberalizimin e vizave./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm