Lajm të mirë e ka quajtur deputeti i LDK-së, Lumir Abdixhiku, vazhdimin e seancës së Kuvendit, e cila është thirrur për 2 tetor.
Por ka thënë se është për t’u shqetësuar fakti se kjo thirrje e seancës është bërë falë presionit ndërkombëtar, pas deklaratave të shefes së Zyrës së BE-së në Kosovë, Natalya Aposotolva dhe ambasadorit amerikan Greg Delawie, që Kuvendi duhet të funksionalizohet.
“Vonesa prej një muaji është tendencë e një shpërfaqje të mënyrës se si Qeveria e sheh Kuvendit, me shpërfillje. Ky është një rasti i ri, i paprecedent i paralizimit të Kuvendit”, ka thënë Abdixhiku në “Interaktiv” të KTV-së.
Aty Abdixhiku ka thënë se në Kuvend do të shtrohen edhe shumë diskutime të tjera, në mesin e të cilave edhe ajo e INTERPOL-it.
“Duhet të qartësohet se kjo tërheqje a ka qenë kusht i Listës Serbe apo ka qenë një gafë i Qeverisë Haradinaj”, ka thënë Abdixhiku.
Ai ka thënë se Qeveria Haradinaj nuk e ka fuqinë që ta shkarkojë ministrin Rikallo.
“Por ne në mesin e këtyre çështjeve do ta diskutojmë edhe rastin Rikallo. Ne do të kërkojmë shkarkimin e tij, por për Rikallon gjithçka po duket se po provohet të amortizohet”, ka thënë Abdixhiku.
Abdixhiku ka thënë se Rikallo nuk mund të shkarkohet, siç ka thënë ai, edhe për faktin se Qeveria varet madje nga vota e vetëm një deputeti të Listës Serbe edhe për faktin se në marrëveshjen politike është shkruar se kryeministri nuk mund ta shkarkojë ministrat por ata shkarkohen vetëm nga shefat e partive.
“Ky koalicion i brisht është negociuar nga Presidenti në Bruksel. Kjo është edhe jokushtetuese edhe e papranueshme”, ka thënë Abdixhiku.
Rezultatet fillestare i japin epërsi të lehtë presidentes pr...
Shawn Mendes ndalon koncertin për të nderuar këngëtarin e nd...
Shpërthime të fuqishme në Bejrut, Izraeli shënjestron degët ...
Digjen orët e rrymës në një ndërtesë në Fushë Kosovë
Lushtaku: Me mbështetjen e qytetarëve dhe mërgatës tonë, PDK...
Zyrtarët e lartë amerikanë vizitë pa paralajmërim në Beograd...