Gomari i uritur ia mësyn makinës sportive, i ngjan me karrotë

20:19 | 28 Shtator 2017
Trina Galanxhi

Një shofer i një makinës sportive luksoze gjermane ka fituar gjyqin kundër një gomari të uritur.

Me 15 shtator të vitit të kaluar, Markus Zahn, e la makinën sportive të tij ngjyrë portokalli në një parking të hapur në Vogelsberg, në Gjermani transmeton portali arbresh.info

Gomari i uritur i quajtur Vitus u ngjit në pjesën e pasme të makinës, ka deklaruar ai, duke i shkaktuar kështu dëme të mëdha.

Gjykata gjeti se pronarët e Vitusit ishin përgjegjës për dëmin e shkaktuar në vlerë prej 5,800 eurosh.

Policia sugjeron se Vitus mund të ketë ngatërruar makinën me një karrotë, ndërsa pronarët ende nuk kanë apeluar në lidhje me rastin.

Pronarët kanë argumentuar se Vitus s’ka qenë fajtor, ndërsa kanë shtuar se Zahn e kishte parkuar makinën e tij, që kushton diku rreth 310,000 euro, pranë sheshit të këmbësorëve.

Rasti ka tërhequr vëmendjen e mediave kombëtare./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm