Policia në shtetin amerikan të Virxhinias kanë arrestuar një grua e cila dyshohet se është veshur si palaço dhe ka vrarë ish gruan e bashkëshortit të tanishëm.
Sheila Keen Warren qëlloi për vdekje Marlen Warren në vitin 1990, transmeton portali arbresh.info. Ky rast nga zyrtarët është duke u përshkruar si bizar.
Policia thotë se vetëm tani kanë mundur ta ri-hapin rastin, për shkak të materializimit të dëshmisë së ADN-së.
Zonja Warren ishte prej kohësh e dyshuar për vrasjen, por nuk kishte dëshmi të mjaftueshme.
Sipas policisë, e ndjera doli tek dera për të pranuar një buqetë lule dhe balona nga palaçoja që kishte parukë të kuqe, hundë të kuqe dhe dorëza.
Më pas ajo u qëllua së paku një herë në fytyrë, ku më pas palaço ishte larguar nga vendi i ngjarjes me një makinë të bardhë pa targa.
Viktima 40-vjeçare kishte ndërruar jetë dy ditë më vonë në spital.
E dyshuara pas vrasjes u martua me të shoqin e viktimës Michael Warren, për të cilin nuk dihet nëse ishte bashkëpunëtor në krim.
Sheila është në pritje të ekstradimit nga Virxhinia në Florida./arbresh.info/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...