Janinë, sekuestrohen 190 kg hashash, në pranga dy shqiptarë

16:37 | 27 Shtator 2017
Arbresh.info

Departamenti i antidroges së Janines ka mundur të finalizojë me sukses një operacion për kapjen dhe sekuestrimin e lëndëve narkotike.
Sipas policisë, gjatë orëve të para të mëngjesit të së mërkurës, agjentët e antidrogës mundën të bllokojnë një automjet brenda të cilit u gjetën të paketuara 67 qese me peshë 190 kilogramë kanabis në total.

Në pranga ranë dy shtetas shqiptarë, 33 dhe 34 vjeç.

Autoritetet thanë se dy të arrestuarit janë pjesë e një organizate të trafikimit të lëndëve narkotike që kryesisht operon me zonën Menidhi të Athinës.

Burime policore i thanë Top Channel se në kërkim janë shpallur edhe disa shtetas shqiptarë, si dhe një shtetas grek.

Ndërkohë, Gjykata e Janinës vendosi t’i lerë në burg trafikantët, ndërsa operacioni vazhdon për kapjen e të dyshuarve të tjerë si anëtarë të grupit./Top Channel/

Shpërndaje në rrjete sociale

Lajmet më të lexuara

Të ngjashme

Foto lajm