Davutogllu: Ahmeti është një nga politikanët kyç për stabilitetin e Maqedonisë dhe rajonit

16:04 | 27 Shtator 2017
Arbresh.info

Bashkimi Demokratik për Integrim informon opinionin se kryetari i partisë Ali Ahmeti është takuar sot në Shkup me ish-kryeministrin, njëherit edhe ministër i Jashtëm i Turqisë si dhe ish-kryetar i AKP-së, Ahmet Davutogllu.

Bashkëbiseduesit kanë diskutuar për zhvillimet politike në vend e rajon duke u fokusuar në situatën aktuale në vend.

Davutogllu ka theksuar që Ali Ahmeti është një nga faktorët kyç të stabilitetit të Maqedonisë dhe rajonit, duke marrë parasysh se shqiptarët jetojnë në gjashtë shtete në rajon dhe janë boshti kryesor i stabilitetit të Ballkanit.

Ahmeti ka folur për angazhimet e Bashkimit Demokratik për Integrim në drejtim të stabilitetit politik të vendit, marrëdhënieve të mira ndëretnike, fqinjësisë së mirë, integrimit në NATO dhe Bashkimin Evropian./telegrafi maqedoni.

 

Shpërndaje në rrjete sociale

Lajmet më të lexuara

Të ngjashme

Foto lajm