Google ADS

SHBA i vë sanksione 8 bankave të Koresë Veriore dhe 26 individëve

01:53 | 27 Shtator 2017
Trina Galanxhi

Administrata Trump ka njoftuar për vendosjen e sanksioneve ndaj tetë bankave të Koresë Veriore dhe 26 individëve, të cilët sipas SHBA-ve veprojnë si përfaqësues në vende të ndryshme, duke përfshirë Kinën, Rusinë, Libinë dhe Emiratet e Bashkuara Arabe.

“Si rezultat i veprimeve të sotme, çdo pasuri ose interesa në pronë të personave të caktuar në posedim ose kontroll të personave amerikanë ose brenda SHBA duhet të bllokohet”, tha në një deklaratë të enjten sekretari i Thesarit Steven T. Mnuchin, transmeton portali arbresh.info

“Kjo më tej përparon strategjinë tonë për të izoluar plotësisht Korenë Veriore, në mënyrë që të arrijmë objektivat tona për paqe në gadishullin Korean”, shtoi ai.

19 nga shtetasit e Koresë Veriore që janë sanksionuar veprojnë në Kinë, ndërsa tre përfaqësojnë banka të ndryshme të Koresë së Veriut në Rusi, sipas Thesarit.

Sanksionet ndjekin urdhërin ekzekutiv të Presidentit Trump, që synon qasjen në sistemin bankar ndërkombëtar të Koresë Veriore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm