Fati i Europës varet nga suksesi i kancelares Angela Merkel dhe reformat e presidentit francez Emmanuel Macron.
Kështu ka vlerësuar presidenti i Serbisë, Aleksandat Vuçiq, duke iu përgjigjur interesimit të gazetarëve për rrugën europiane të Serbisë, transmeton Koha.net raportimin e medieve të Beogradit.
I pyetur rreth synimeve të Kosovës që të bëhet anëtare e Kombeve të Bashkuara, Vuçiq u përgjigj se kjo për Serbinë nuk është një gjë e re, por ka shtuar se kjo nuk do të jetë e mundur pa pëlqimin e Serbisë.
Sipas Vuçiqit nga anëtarësimi i Kosovës në KB nuk do të ketë gjë nëse nuk arrihet marrëveshja, e kjo nuk mund të bëhet nëse dikush mendon se ai duhet t’i fitojë të gjitha, ndërsa Serbia t’i humbë të gjitha, transmeton Koha.net.
Vuçiq ka thënë se ithtarët e hyrjes së Kosovës në KB 500 herë deri tash e kanë anëtarësuar Kosovën në organizatën botërore, por përfaqësuesit e Prishtinës vazhdojnë të “sorollaten nëpër korridoret e KB”.
Vuçiq nuk e ka fshehur se gjatë qëndrimit në New York me përfaqësuesit e SHBA ka biseduar për tema të rënda, si ajo për vëllezërit Bytyçi dhe djegien e Ambasadës.
Ai citohet të ketë thënë se Serbia dëshiron të hyjë në Bashkimin Europian, se ka marrëdhënie të mira me SHBA, porse krenohet me marrëdhëniet e mira me Rusinë dhe Kinën.
Na duhet paqja dhe stabiliteti dhe këtë duhet t aruajmë me çfarëdo çmimi, ka thënë Vuçiq dhe ka shtuar se i pëlqen që shqiptarët “ndihen të fuqishëm e të fortë” dhe që nënvlerësojnë serbët.
Unë kësi gabimi nuk do të bëjë, është shprehur Vuçiq.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite