Ministri i Punëve të Jashtme Behgjet Pacolli, është takuar në Nju Jork me homologun e tij nga Armenia, Sh.T.Z.,Eduard Nalbandyan.
Pacolli tha se gjatë takimit që kishte me ministrin armen, ka kërkuar nga ky shtet që të njoh Kosovën, sipas tij njohja e Kosovës nga Armenia do të forconte stabilitetin në rajon, përcjell arbresh.info.
“I kërkova edhe njëherë zyrtarisht njohjen, duke argumentuar, se njohja e Kosovës si shtet i pavarur dhe sovran nga Armenia do të forconte stabilitetin dhe paqen në rajon”, ka thënë Pacolli.
Postimi i plotë:
Në ditën e fundit të takimeve të mia zyrtare në margjina të punimeve të Asamblesë së Përgjithshme të Kombeve të Bashkuara, takova në një takim dy-palësh edhe homologun e tim nga Armenia, Sh.T.Z.,Eduard Nalbandyan. I shpreha falënderimin për realizimin e këtij takimi, e më pas edhe mirënjohjen për qasjen pragmatike të këtij shteti në raport me Kosovën dhe në veçanti për mbështetjen, që ky shtet i ka dhënë vendit tonë në Frankofoni. Vlerësova pozitivisht nivelin aktual të dialogut dhe komunikimit politik në mes dy vendeve, përkundër mosnjohjes “de jure” të pavarësisë së Kosovës. I kërkova edhe njëherë zyrtarisht njohjen, duke argumentuar, se njohja e Kosovës si shtet i pavarur dhe sovran nga Armenia do të forconte stabilitetin dhe paqen në rajon. Kërkova edhe mbështetjen për anëtarësimin e Republikës së Kosovës në organizata ndërkombëtare dhe njohjen e pasaportave të Republikës së Kosovës, pasi që deri më tash 185 shtete e pranojnë pasaportën e vendit tonë. Kam besim dhe shpresë se të gjitha argumentet janë në anën tone dhe presim vendim racional nga Armenia.
Shkon në 22 numri i të vrarëve në sulmin izraelit në një kom...
Edon Zhegrova shënon gol ndaj skuadrës së Strasbourg
Llapi fiton minimalisht në Ferizaj
Suhareka triumfon ndaj Feronikelit ’74
Nuk ndalet dhuna në futbollin kosovar, përleshen mes vete ti...
Aktivistët e ambientit bllokojnë portin kryesor të anijeve t...