Real Madridi regjistron fitoren e dytë sezonale, Ceballos shkëlqen në debutim (VIDEO)

18:10 | 23 Shtator 2017
Arbresh Info

Real Madridi ka regjistruar fitoren e dytë këtë sezon.

‘Los Blancos’ mposhtën me rezultat minimal 1 me 2 skuadrën e re të trajnerit Gianni de Biasi, Deportivo Alaves, në ndeshjen e xhiros së gjashtë në La Liga, shkruan portali arbresh.info.

Kampioni në fuqi i Spanjës ka siguruar tre pikë mjaftë të rëndësishme pas një fillimi të dobët të sezonit.

Mesfushori anësor Dani Ceballos, i cili debutoi në formë të shkëlqyer pasditen e së shtunës, ishte autori i dy golave (10′) (43′) nga skuadra e Zinedine Zidanes.

Manu Garcia ishte golashënuesi i vetëm për nikoqirët. Mesfushori realizoi pas asistimit nga Munir El Haddadi në minutën e 40′.

Real Madridi tani qëndron në pozitën e katërt me 11 pikë, katër më pak se Barcelona në krye me një ndeshje më pak./arbresh.info/

https://streamable.com/mhobc

Shpërndaje në rrjete sociale

Lajmet më të lexuara

Të ngjashme

Foto lajm