Google ADS

Vuçiq nga Asambleja e OKB: Serbia nuk do ta njoh Kosovën

18:31 | 21 Shtator 2017
Trina Galanxhi

“Serbia nuk do ta njohë Kosovën”, kështu ka deklaruar Presidentit serb Aleksadnër Vuçiq më fjalën e tij në Asamblenë e Kombeve të Bashkuara.

Ai tha se po bën përpjekje për të gjetur një zgjidhje që do të lejojë përparimin, paqen dhe stabilitetin në rajon.

Presidenti serb gjithashtu ka apeluar te anëtaret e Kombeve të Bashkuara që të mos e lejojnë anwtarwsimin e Kosovës në UNESCO.

“Sic e dini të gjithë ne nuk e njohim shpalljen e njëanshme të pavarësisë të ashtuquajturës Kosovë. Por unë këtu dua të flas me përpjekjet tona për zgjidhjen e një problemi shembullor”, ka theksuar Vuçiç.

Vuçiç ka theksuar se arritja e zgjidhjes politike për Kosovën është me rëndësi kyçe për përparimin ekonomik, të rinjtë dhe zhvillimin e mëtejshëm të vendit të tij.

Deklaratës së Presidentit serb iu përgjigj zv/kryeministri i Kosovës, Enver Hoxhaj, i cili tha se njohja e Kosovës është e vemtja rrugë e qëndrueshme për të shënuar progres dhe paqe në Ballkanin Perëndimor.

Shpërndaje në rrjete sociale

Lajmet më të lexuara

Të ngjashme

Foto lajm