Google ADS

Presidenti Thaçi flet për ministrin Rikalo

21:07 | 15 Shtator 2017
M. A.

Presidenti i vendit, Hashim Thaçi ka folur për Ministrin e Bujqësisë, Nenad Rikalo, raporton arbresh.info

Ai ka thënë se ministri Rikalo do të ishte ministër edhe në qeveritë tjera. Sipas Thaçit nuk duhet dikush të etiketohet si kriminel nga njerëzit e politikës por sipas tij këtë duhet t’ia lënë organeve kompetente.

“Këtu qëndron edhe jo sinqeriteti i një spektri të caktuar politik. Deri në ditën e formimit të institucioneve të gjitha partitë politike i kanë lutur deputetët e listës serbe që të jenë pjesë e koalicionit”, tha Thaçi.

“Po ky ministër do të ishte edhe në qeveri të tjera. Nuk duhet dikush të etiketohet si kriminel nga njerëzit e politikës. Janë organet kompetente që merren me këto, janë gjykatat, prokuroria që merren me këtë rast”, ka theksuar Thaçi për RTK-në.

Ai ka thënë se deputetët e Listës Serbe nuk janë problem për institucionet e Kosovës.

“Nuk janë problem deputetët serbë për institucionet e Kosovës. Lehtë është me kritiku e me akuzu”./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm