Bashkimi Evropian ka plane të mëdha në agjendën e tij për Kosovën dhe duhet bërë shumë punë në këtë drejtim.
Kështu ka thënë sot në Kosovë, drejtoresha e Shërbimit Evropian për Veprim të Jashtëm (EEAS) për Evropën Perëndimore, Ballkanin Perëndimor dhe Turqinë Angelina Eichhorst.
Sipas saj, për BE-në është shumë i rëndësishëm sundimi i ligjit dhe të drejtat fundamentale e cila ndërlidhet me të qenit unik si BE, shkruan arbresh.info.
“Është një përkrahje e pa rezervë për perspektivën evropiane për Ballkanin Perëndimor dhe mendoj që ka ardhur koha që njerëzit që jetojnë në Kosovë ta ndjejnë këtë përkushtim fuqimisht. Ka shumë sfida përpara”, ka thënë Eichhorst.
Ajo i ka rikujtuar Parlamentit të Kosovës që duhet t’i përvilet punës dhe të miratojë ligjet me rëndësi.
“Ka edhe shumë ligje që urgjentisht duhet të kalohen në Parlament. Njerëzit duan punë, duan shëndetësi, edukim dhe është shumë e rëndësishme që të sundoj ligji. Ne jemi të gjithë evropianë. Ne jemi të gjithë pjesë e familjes evropiane. Dhe do të vazhdojmë t’ju mbështesim”, ka përfunduar Eichhorst.
/arbresh.info/
Shkon në 22 numri i të vrarëve në sulmin izraelit në një kom...
Edon Zhegrova shënon gol ndaj skuadrës së Strasbourg
Llapi fiton minimalisht në Ferizaj
Suhareka triumfon ndaj Feronikelit ’74
Nuk ndalet dhuna në futbollin kosovar, përleshen mes vete ti...
Aktivistët e ambientit bllokojnë portin kryesor të anijeve t...