​Vëllai plagos vëllanë në Tiranë

10:01 | 10 Shtator 2017
Arbresh.info

Një sherr i nisur mes dy vëllezërve ka përfunduar në gjak në periferi të Tiranës.

Arjol Llapushi, 40 vjeç, banues në Kodër Kamëz, akuzohet se në orët e para të mëngjesit të sotëm ka plagosur vëllanë.

Më konkretisht në rrugën “Fredi Shega”, në oborrin e banesës së tij, ka goditur me mjete prerëse vëllanë e tij, L.Llapushi, 48 vjeç, banues në Kodër Kamëz.
I plagosuri u dërgua në spital, ku pas ndihmës së marrë ndodhet jashtë rrezikut për jetën.

Ndërkohë 40-vjeçari u arrestua nga policia nën akuzën e veprave penale “Plagosje e lehtë me dashje” dhe “Dhunë në familje”.

Aktualisht hetimet janë në vijim, për të zbuluar më shumë rreth sherrit që përfundoi me plagosje.

Shpërndaje në rrjete sociale

Lajmet më të lexuara

Të ngjashme

Foto lajm