Erdogan shfaqet në posterat e fushatës zgjedhore në Gjermani

20:26 | 7 Shtator 2017
Trina Galanxhi

Postera me figurën e Presidentit turk, Recep Tayyip Erdogan, janë shfaqur nëpër rrugët e Duisburgut, qytet në perëndim të Gjermanisë. 

Posterët ishin varur për të promovuar Partinë e Aleancës së Demokratëve Gjerman (AD-D) dhe në të shkruhej: ‘Qëndroni me miqtë e Turqisë, jepini votën tuaj!’, transmeton portali arbresh.info

Zgjedhjet në Gjermani pritet të mbahen me 24 shtator, ndërsa ekspertët kanë paralajmëruar se procesi zgjedhor mund të has në sulme të shumta kibernetike.

Erdogan i ka bërë thirrje komunitetit turk në Gjermani që të mos votojë partitë që kanë qëndrim armiqësor ndaj Turqisë, duke përfshirë edhe partinë e kancelares Angela Merkel.

Tensionet mes Berlinit dhe Ankarasë janë rritur ndjeshëm pas përpjekjes për grusht shtet gjatë vitit të kaluar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm