Pse dështoi transferimi i Shkodran Mustafit te Interi?

19:34 | 6 Shtator 2017
Arbresh Info

Shkodran Mustafi dështoi për të finalizuar transferimin te Interi në ditën e fundit të merkatos për shkak se kërkesat e Arsenalit ishin të mëdha.

“Nerazzurrët” dhe kampioni në Serie A Juventusi ishin të dy duke kërkuar transferimin e mbrojtësit shqiptar të përfaqësueses së Gjermanisë në ditën e fundit të merkatos së transferimeve, por drejtori sportiv i klubit italian Piero Ausilio ka thënë se “Topçinjtë” kërkonin shumë, transmeton portali arbresh.info.

Mbrojtësi shqiptar Shkodran Mustafi ishte shënjestër e Interit dhe Juventusit në merkaton verore
Mbrojtësi shqiptar Shkodran Mustafi ishte shënjestër e Interit dhe Juventusit në merkaton verore

“Negociatat e vetme që ne me të vërtetë nisëm ishin për një qendërmbrojtës që ishte Shkodran Mustafi, por kur ne mësuam kërkesat e klubit të tij, ne u larguam”, tha Ausilio.

Interi mësohet se kishte ofruar 4.6 milionë funta dhe opsionin për të blerë atë më pas për 23 milionë funta verën e ardhshme.

Por, Arsenali dëshironte të siguronte një tarifë më të madhe nga shuma prej 35 milionë funta që ata shpenzuan për të nënshkruar me Mustafin nga Valencia verën e kaluar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm