Google ADS

Babai i Shkodran Mustafi zbulon të ardhmen e djalit të tij

12:00 | 31 Gusht 2017
Arbresh Info

Babai i Shkodran Mustafi ka thënë se mbrojtësi shqiptar do të vazhdojë qëndrimin në Arsenal dhe nuk do t’i bashkohet Interit.

Mbrojtësi i Gjermanisë duket se do të largohet nga klubi në Emirates Stadium pasi ishte lënë jashtë skuadrës së trajnerit Arsene Wenger në disfatën 4 me 0 të së dielës ndaj Liverpoolit në Anfield, transmeton portali arbresh.info.

Shkodran Mustafi është shënjestër e Juventusit dhe Interit
Shkodran Mustafi është shënjestër e Juventusit dhe Interit

“Nerazurrët”, të cilit mësohet se janë duke kërkuar për të përforcuar opsionet në mbrojtje në ditën e fundit të afatit kalimtar, janë shfaqur si klubi kryesor pas shërbimeve të 25-vjeçarit. Megjithatë, babai i qendërmbrojtësit, gjithashtu edhe agjenti i tij, kanë thënë se djali i tij do të qëndrojë në Londër deri në një të ardhme të paparashikueshme.

“Unë jam agjenti i tij dhe jam këtu duke pushuar në shtëpi”, raportohet t’i ketë thënë ai mediave. “Asgjë nuk do të ndodhë sot”

Për shkak të kësaj, Interi besohet do të kthej vëmendjen e tyre te mbrojtësit e tjerë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm