Google ADS

OKB: Familjet kosovare duhet të dinë për fatin e të dashurve të tyre, të zhdukur

14:59 | 30 Gusht 2017
Arbresh.info

Përfaqësuesi Special i Sekretarit të Përgjithshëm (PSSP) në Kosovë dhe shef i UNMIK-ut, Zahir Tanin, përmes një komunikate për media ka rikonfirmuar angazhimin e OKB-së për të mbështetur kërkimin për të pagjeturit.

Në komunikatë thuhet:

Mendimet tona janë me familjet dhe miqtë e personave që vazhdojnë të jenë të zhdukur në Kosovë. Familjet kanë të drejtë ta dinë se çfarë ka ndodhur me të dashurit e tyre. Kjo është një e drejtë themelore e njeriut”.

Sipas Tanin, 1,658 persona vazhdojnë të jenë të pagjetur si pasojë e luftës së viteve 1998/1999 në Kosovë.

UNMIK-u do të vazhdojë të mbështesë Grupin Punues për Persona të Pagjetur dhe të ndihmojë familjet e personave të pagjetur, veçanërisht nëpërmjet financimit të Qendrës Burimore për Persona të Pagjetur në Prishtinë, gjatë vitit të ardhshëm. Ne përgëzojmë dhe inkurajojmë përpjekjet e atyre që punojnë së bashku për të zbuluar fatin e atyre që ende mungojnë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm