Google ADS

Komisioni për kategorizimin e veteranëve nis punën javën e ardhshme

14:05 | 30 Gusht 2017
Arbresh.info

Komisioni për kategorizimin e veteranëve të luftës është në përfundim të procedurave dhe javën e ardhshme pritet të nis punën në këtë drejtim.

Kështu ka bërë të ditur sot kryeministri në detyrë, Isa Mustafa gjatë një takimi që ka pasur me përfaqësuesit e veteranëve të luftës në lidhje me vonesat për pagesat e pensioneve të tyre, shkruan arbresh.info.

Mustafa u ka thënë atyre se fondet për veteranët do të sigurohen me rishikim të Buxhetit.

“Sa u përket fondeve, ato do të sigurohen me rishikim të Buxhetit, dhe veteranët do të realizojnë plotësisht të drejtat e tyre në pensionet që u takojnë, të cilat do të paguhen në mënyrë retroaktive”, tha kryeministri Mustafa.

Ai bëri të ditur sot gjatë mbledhjes së Qeverisë se do të ketë vonesa në pagesat e pensioneve për veteranët për shkak të ngecjes në konstituimin e institucioneve dhe pamundësisë për rishikimin e buxhetit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm