Google ADS

Barcelonës i largohet talenti i shumëvlerësuar

11:03 | 30 Gusht 2017
Arbresh Info

Barcelona ka shitur futbollistin e shumëvlerësuar nga Koreja e Jugut, Lee Seung Woo, te skuadra italiane Hellas Verona por duke i vendosur opsionin për riblerje në këtë marrëveshje.

Anësori fillimisht iu bashkua klubit katalunas si një 13-vjeçar në vitin 2011 dhe përmes akademisë La Masia ka arritur të hyjë në skuadrën B të klubit, transmeton portali arbresh.info.

Lee Seung Woo largohet nga Barcelona duke shpresuar në rikthim në të ardhmen
Lee Seung Woo largohet nga Barcelona duke shpresuar në rikthim në të ardhmen

Pas 20 golave gjatë 34 paraqitjeve me skuadrën e të rinjve të nivelit U20 të Koresë Jugore, Lee ka tërhequr vëmendjen e shumë klubeve, përfshirë Borussia Dortmundit.

“Do doja që të vazhdojë zhvillimin dhe të përmirësohem si një futbollist”, ka thënë Lee për ‘Marca’ gjatë muajit korrik.

“Nëse luaj mirë për ndonjë klub tjetër, më pas ndoshta mund të rikthehem më vonë te Barcelona”./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm