Kancelarja gjermane, Angela Merkel, ka deklaruar se nuk është pishman për vendimin e saj në vitin 2015 për t’u hapur dyert qindra mijëra refugjatëve kryesisht nga vendet e Lindjes së Mesme.
Në një intervistë për gazetën gjermane Welt am Sonntag, Merkel ka mohuar se ka ndjekur politikë të gabueshme në lidhje me lejimin e refugjatëve në Gjermani, transmeton portali arbresh.info
Gjermania ka përballuar fluksin më të madh të refugjatëve nga Siria dhe Iraku, situatë e cila e krijoi përçarje të thella në partinë konservatore të Merkelit.
“Vendimet që i kam marrë në 2015-tën do t’i merrja njejtë sërish”, tha Merkel. “Ishte situatë e jashtëzakonshme dhe morra vendim duke u bazuar në atë se ishte e drejtë politike dhe humanitare”.
Vendimi i saj për të hapur kufijtë kontribuoi në rritjen e mbështetjes për partinë e ekstremit të djathtë Alternativa për Gjermaninë (AfD), që sipas sondazheve thonë se mund të fitojë deri në 10 përqind në zgjedhjet e shtatorit.
Gjermania pritet të shkojë në zgjedhje gjatë muajit të ardhshëm, ndërsa Angela Merkel kandidon për mandatin e saj të katërt për kancelare./arbresh.info/
Rama: Shkodra plot me turistë në këto ditë tetori
Kurti u takua me ministrin për Evropë të Francës, Benjamin H...
Përplasja e deputetëve të opozitës me policinë, Hoxha: Efekt...
Osmani udhëton në Amerikë, folëse kryesore në Samitin Ndërko...
Raportohet se Koreja e Veriut ia ka dërguar mijëra ushtarë R...
Gjendet turistja bullgare e cila kishte humbur në shtegun e ...