Automobili Chiron ka 1.500 kuaj fuqi dhe është i projektuar të ketë shpejtësi maksimale prej rreth 450 km në orë. Ai është jashtëzakonisht aerodinamik dhe shumë i ulët, andaj gjatë vozitjes së tij duhet pasur shumë kujdes që të mos pësojë dëmtime, sidomos nëse asfalti nuk është i rrafshët si pista.
Bugatti Chiron është prezantuar në vitin 2016, si pasues i modelit Veyron dhe gjatë vitit 2017 njësitë e para të kësaj veture në vlerë 2.4 milionë euro kanë nisur të arrijnë në adresat e pronarëve në gjithë botën.
Pasi që është prodhuar në sasi të limituara prej 500 njësish, aktualisht është i panjohur numri i veturave të shitura të këtij modeli.
Chiron është atraksion i vërtetë, i cili tërheq adhuruesit e veturave sportive kudo që paraqiten në rrugë.
Fansat nuk lëshojnë rastin që të fotografojnë Chiron në rrugë dhe kështu njëri prej tyre vërejti edhe një “aksident”, i cili i ndodhi njërit nga pronarët e këtij modeli.
Me rastin e daljes nga parkingu në rrugë është dëgjuar një zhurmë e vogël në pjesën e përparme të veturës, e cila kishte “prekur” në asfalt.
Vozitësi i veturës nuk është brengosur shumë rreth kësaj dhe nuk është ndalur për të shikuar dëmet eventuale në automobil./arbresh.info/
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...
Spektakël me gjashtë gola – Porto dhe Man Utd ndajnë pikë në...
Përleshje fizike në Gjakovë, policia arreston pesë persona
Bislimi mori pjesë në organizimin për Ditën e Unitetit të Gj...
Sistemi izraelit i mbrojtjes ajrore kalon me sukses provën e...