Google ADS

Ish-presidenti shpreh dhimbjen për vdekjen e ish-kryeministrit Rexhepi

12:49 | 21 Gusht 2017
Arbresh.info

Ish-presidenti i Kosovës, Fatmir Sejdiu ka marrë me pikëllim lajmin për ndarjen nga jeta të ish-kryeministrit të Kosovës, Bajram Rexhepi.

Sejdiu ka thënë se Rexhepi, ndonëse në rrethana të ndryshme, një jetë të tërë ishte në shërbim të vendit, shkruan Arbresh.info.

Lexoni të plotë postimin e Sejdiut në Facebook:

Sot, morëm lajmin e pikëllueshëm për vdekjen e ish-kryeministrit të Kosovës, Bajram Rexhepi.

Bajram Rexhepi, ishte një veprimtar i njohur i çështjes kombëtare. Në ditët më të vështira dha kontribut të veçantë për vendin përmes profesionit tij si mjek, ku edhe shërbeu në Ushtrinë Çlirimtare të Kosovës.

Ndërsa, pas luftës kontributin e tij e dha si njeri me përgjegjësi politike.

Bajrami Rexhepi, ndonëse në rrethana të ndryshme, megjithatë, një jetë të tërë ishte në shërbim të vendit.

Në këto momente jo të lehta jemi bashkërisht me ju familje Rexhepi.

Ngushëllime Juve dhe gjithë qytetarëve të vendit!./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm