Google ADS

Koha e duhur për të luajtur kundër Chelsea, thotë Redknapp

13:06 | 20 Gusht 2017
Arbresh.info

Jamie Redknapp beson se Tottenham Hotspur do ta mposhtin Chelsean në derbin e së dielës, në kuadër të xhiros së dytë, në Premier Ligë.

Skuadra e Antonio Contes e ka humbur ndeshjen e parë në ‘Stamford Bridge’, me rezultatin 3-2 ndaj Burnley, dhe do të jetë pa disa nga lojtarët kryesorë në udhëtimin drejt Wembley, për të luajtur kundër Spurs.

Diego Costa do të mungojë pas kërkesës për largim nga klubi londinez, Eden Hazard është në dyshim për shkak të lëndimit, ndërsa Gary Cahill dhe Cesc Fabregas janë të suspenduar pasi u ndëshkuan me kartonë të kuq në ndeshjen kundër Burnley.

Redknapp beson se këto mungesa, dhe hapësira që ka lënë Nemanja Matic pas largimit në Manchester United, e favorizojnë Tottenhamin për fitore ndaj kampionëve anglezë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm