Më 1 shtator, Tokës do t’i afrohet asteroidi më i madh ndonjëherë

00:42 | 20 Gusht 2017
Trina Galanxhi

Më një shtator Toka do të ketë një “takim” të ri me një trup qiellor. Bëhet fjalë për asteroidin 3122 Florence, një prej më të mëdhenjve që i afrohet planetit tonë.

Megjithatë ai nuk është i rrezikshëm. Me një diametër prej 4.4 kilometrash, asteroidi do të kalojë rreth 7 milionë kilometra larg tokës, me saktësisht 18 herë sa distanca e tokës me hënën.

Por ky do të jetë vetëm takimi i parë, pasi në tetor, një tjetër asteroid 2012 TC4 do t’i afrohet planetit tonë. Veçantia e 3122 Florence qëndron tek masa e tij.

Siç bëjnë të ditur ekspertët e NASA-s, edhe pse shumë asteroidë kanë kaluar më pranë tokës, ata kanë pasur dimesione më të vogla.

Florence është asterodidi më i madh që i afrohet kaq shumë tokës, që kur ka hyrë në funksion programi i NASA-s për gjurmimin e këtyre objekteve. Fenomeni do t’i japë mundësinë shkencëtarëve ta studiojnë atë më nga afër.

Shpërndaje në rrjete sociale

Lajmet më të lexuara

Të ngjashme

Foto lajm